Argitalpenak

Aurkezpena

GIZARTE hitzaren esnanahi osoari begira du atea bilduma honek: gizakien sustraiari batetik eta beren artekoari bestetik. Eten ezinak diren bi alderdiak uztartzen ditu GIZARTE hitzak. Izenaren jabe izateko jaio da bilduma berri hau. Bertan argitara emango diren lehenengo bi aleak, ondo adierazten dute jorratuko diren gai esparruen luze-zabala.

Bildumako lehen aleak, Ataungo Xabier Barandiaran Irastortza soziologoak gure orainaldiaz egindako hainbat gogoeta biltzen du. Bere irakasle eta ikerlari jardunean landutako ikuspegiz begiratzen dio gure gaur egungo herri gertatzenari, eta galdera zorrotzak arrotzen ditu, bere erantzunpideak eta zalantzak arrazoituz, herrikide guztion erantzukizuna den elkarlanerako bere ekarria eskainiz.

Bigarren aleak, gizon emakumeon betiko arazo bati heltzen dio, baina gaur bertan joanetorri haundikoa den gorabeherari: nor izatearen auziari, hain zuzen. Eibarko Anton Artamendi Mugerza filosofoak, Donostiako Xavier Zubiri filosofoari atxikita, identitateari buruzko galdera du aztergai. Gogoeta sakona, bide berriak urratzen dituena, gure nor-izana bere berezkoan hobeto ulertzeko.